Өсвөр насны хүүхдийн сэтгэхүйн хөгжлийг судалсан үр дүн
:
https://doi.org/10.56380/mjer.v29.2.6:
өсвөр насны хүүхэд, сэтгэхүйн талаарх онолууд, хийсвэр сэтгэхүй, утгачлан тогтоох чадвар, сэтгэхүйн ангилах чадвар, сэтгэхүйн нэгтгэн дүгнэх чадвар, үгийн утга тайлбарлах чадварХураангуй
БСҮХ-ийн судалгааны баг нь БШУЯ-ны захиалгаар, ШУТС-ийн санхүүжилтээр монгол хүүхдийн цогц хөгжлийн судалгааг 2014-2017, 2019-2021 онд тус тус гүйцэтгэсэн.
Цогц хөгжлийн судалгааны зорилго нь 3-17 насны хүүхдийн цогц хөгжлийн онцлог тогтоох , нөлөөлж буй хүчин зүйлийг илрүүлэх юм.
Энэ удаад суурь, бүрэн дунд боловсролын түвшний хүүхдийн сэтгэхүйн гол шинж болох юмсын гол үндсэн шинжийг нь зорилготойгоор танин мэдэх чадвар болох ерөнхийлөн дүгнэх чадварыг судалсан судалгааны үр дүнг танилцуулахыг зорилоо. Судалгаандаа танин мэдэхүйн тестийн аргыг хэрэглэсэн.
Судалгааны үр дүнгээс харахад, өсвөр насны хүүхдүүдийн танин мэдэхүйд бодит сэтгэхүй давамгайлах нь нийтлэг ба сэтгэхүйн чадварын хувьд нийтлэг шинжээр нь ангилах сэтгэхүйн ангилал зүйн чадвар илүү, ингэхдээ гадаад илэрхий шинжээр нь ангилах нь давамгай байна. Сэтгэхүйн ерөнхийлөн дүгнэх чадварыг тодорхойлдог сэтгэхүйн тодорхойлох, харьцуулан нийтлэг шинжээр нь нэгтгэх чадвар хожуу хөгждөг дүр зураг харагдлаа. Ялангуяа, үгийг үндсэн утгаар нь тайлбарлах, утгын нийтлэг шинжээр нь нэгтгэх нь сул байна. Эдгээр нь хүүхдүүдийн анхаарлын төвлөрөл сул байгааг давхар илэрхийлж байна. Хүүхдийн сэтгэхүйн ерөнхийлөн дүгнэх чадвар нь мэдээллийг утгачлан тогтоох чадвартай шууд харилцан хамааралтай тул тухайн чадварыг дэмжих аргаар өсвөр насны хүүхдийн сэтгэхүйн чадварыг хөгжүүлэх боломжтой юм.
Сэтгэхүйн ерөнхийлөн дүгнэх чадвар гэдэг нь үзэгдэл юмсын харьцангуй тогтвортой шинж чанар, харьцааг тусгасан танин мэдэхүйн процесс юм. (Санжжав Д. Энхболд С, 2000)
Хандалтын Статистик
Ном зүй
Kline, R. (2010). Principles and Practice of Structural Equation Modeling. New York: he Guilford press.
Norman A. Sprinthall Richard C. Sprinthall Sharon N. Oja . (1994). Educational psychology: A developmental approach -6th ed. . New York .
Немов, Р. (2004). Общие основы психологии. Владос.
Санжжав Д. Энхболд С. (2000). Сэтгэл судлалын ухааны тайлбар толь . Улаанбаатар .
Холодная, М. (2002). Психология интеллека: парадоксы исследования. Санктпетербург: Питер.
Шардаков, М. (1963). Мышление школьника. Москва.
