Боловсролын ирээдүйн чиг хандлага: Баримт бичгийн шинжилгээний зарим үр дүн
DOI :
https://doi.org/10.56380/v27.1.6Түлхүүр үгс :
боловсролын ирээдүй, насан туршийн суралцахуй, боловсролын дижиталчлал, тэгш хамруулах боловсрол, сургалтын хөтөлбөрХураангуй
Боловсролын ирээдүйн чиг хандлагыг судлах зорилгоор зарим судалгааны тайлан, бодлогын баримт бичгийг сонгон судалсан үр дүнг энэхүү өгүүллээр танилцуулж байна. Сонгож баримт бичгийг шинжлэхдээ а) ирээдүйн боловсролыг судлах хэрэгцээ шаардлага, ирээдүйн иргэний дүр төрх б) ирээдүйн боловсролд баримтлах үзэл баримтлал, тогтолцоо в) боловсролын шинэчлэлийг хэрэгжүүлэхэд анхаарах зүйл гэсэн үзүүлэлтийг ашиглан агуулгын шинжилгээ (content analysis) хийсэн болно. Боловсролын ирээдүйтэй холбоотой нэр бүхий бүтээлүүдийг тодорхой үзүүлэлтийн дагуу судалж, боловсролын ирээдүйн хөгжлийн үзэл баримтлал, бодлого чиглэлийг тодорхойлж буй байдлыг илрүүлэх нь боловсрол судлаачдын хувьд төдийгүй цаашид Монгол Улсын боловсролын ирээдүйн чиг хандлагыг тодорхойлоход ач холбогдолтой байх тул бид энэхүү шинжилгээг хийсэн болно. Шинжилгээний үр дүнд боловсролын ирээдүйн чиг хандлагыг “Ирээдүйн нийгмийн иргэн, Боловсролын ирээдүйн хөгжлийн үзэл баримтлал, боловсролын тогтолцооны өөрчлөлт болон боловсролын бодлогын шинэчлэлийг хэрэгжүүлэхэд анхаарах асуудал” гэсэн хүрээнд тодорхойлох боломжтой байна. Энэ нь шинжилгээнд авсан баримт бичгүүдийн агуулгыг бүрэн хамрахгүй боловч боловсролын ирээдүйн чиг хандлагыг тодорхойлоход зайлшгүй авч үзэх асуудал мөн юм.
Хандалтын Статистик
Ном зүй
Edgar Faure нар. (1972). Оршихуйн төлөөх боловсрол: Дэлхийн боловсролын
өнөөдөр ба маргааш (Learning to be The world of education today and tomorrow, Report of the International Commission on the Development of Education), UNESCO, Paris, шинэ хэвлэл, 2013, https://unesdoc.unesco.org/ark:/48223/pf0000223222
Jacques Delors нар. (1996). Суралцахуй: Түүнд нуугдсан эрдэнэс (Learning: The
Treasure within). ЮНЕСКО: https://www.gcedclearinghouse.org/sites/default/files/resources/%5BENG%5D%20Learning.pdf
Дэлхийн эдийн засгийн форум. (2019). Ирээдүйн сургууль (Schools of the Future)
https://www3.weforum.org/docs/WEF_Schools_of_the_Future_Report_2019.pdf
ЭЗХАХБ. (2021). Боловсролын ирээдүйг бүтээх нь (Building the future of educati on), УБ, 2022
UNESCO. (2021). Ирээдүйгээ хамтдаа дахин төсөөлөх нь Боловсролын ннийгмийн шинэ
гэрээ (Reimagining our futures together: a new social contract for education), ЮНЕСКО-ийн МҮК, 2022
OECD. (2021). XXI зууны уншигчид: Дижитал ертөнцөд бичиг үсгийн ур чадварыг хөгжүүлэх нь (21st-Century Readers Developing literacy skills in a digital world), https://www.oecd.org/publications/21st-century-readers-a83d84cb-en.htm
