Уур амьсгалын өөрчлөлтөд дасан зохицох сурагчдын зан үйл, хандлагыг судалсан үр дүн

Хураангуй

Энэхүү судалгааг Монгол Улсын Боловсролын Их сургуулийн Газарзүйн тэнхимийн баг хийсэн бөгөөд судалгааны зорилго нь ЕБС-ийн ахлах ангийн сурагчдын уур амьсгалын өөрчлөлтийн боловсролд хандах хандлагыг илрүүлэхэд оршино. Түүвэр судалгаанд хүрээлэн буй орчны өөр өөр нөхцөлд амьдардаг хөдөөгийн болон хотын сургуулийн сурагчдыг (N=330) хамруулсан. Тоон өгөгдлийг асуулгаар, чанарын мэдээллийг ярилцлага болон фокус бүлгийн хэлэлцүүлгээр цуглуулав. Судалгаанд оролцсон сурагчдын хүрээлэн буй орчинд хандах хандлагын талаар дундаж оноо гарсан бөгөөд энэ нь тэдний амьдрах орчин, сургуулийн байршил зэргээс шалтгаалан харилцан адилгүй тул уур амьсгалын өөрлөлтийн боловсролыг дээшлүүлэх шаардлагатайг судалгааны үр дүн харуулж байна.