"Өөртөө энэрэнгүй хандах байдлыг хэмжих" асуулгын психометрик чанарыг судалсан нь
:
https://doi.org/10.56380/v29.1.1:
Ахлах ангийн сурагчдын сэтгэл зүйн сайн сайхан байдал, өөртөө энэрэнгүй хандах байдал, нутагшуулалтын судалгаа, агуулгын тохирц чанар, нүүр тохирц чанарХураангуй
Өөртөө энэрэнгүй хандах гэдэг нь алдаагаа хүлээн зөвшөөрч, шүүмжлэхгүй байх, өөрт тохиолдож буй хүнд нөхцөлийг бусад хүмүүст ч тохиолдож болно гэдгийг хүлээн зөвшөөрөх ойлголт юм. 2003 онд Кристин Нефф “Өөртөө энэрэнгүй хандах байдлын хэмжүүр”-ийг 26 асуулттай гаргасан бол 2010 онд Раес болон бусад судлаачид 12 асуулттай богино хувилбарыг нь гаргажээ. Улмаар олон улсад нутагшуулалтын судалгаанууд хийгдсэн байна. Харин Монгол улсын их сургууль, Монгол улсын боловсролын их сургуулийн судалгааны санг шүүхэд уг сэдэвтэй холбоотой судалгааны ажил хараахан олдоогүй учир энэхүү судалгаагаар тус аргын психометрик чанарыг судлахыг зорьсон. Судалгааны аргыг Ван Де Вийвэр нарын санал болгосон зөвлөлөөр хэлэлцэх аргаар орчуулж, агуулгын тохирц чанарыг Валми нарын санал болгосон шинжээчдийн үнэлгээний аргаар хийсэн. Харин нүүр тохирц чанарыг 10 дугаар ангийн 20 сурагчийн үнэлгээгээр шалгахад, шаардлага хангасан учир ахлах ангийн 343 сурагчаас өгөгдөл цуглуулсан. Үүнээс 312 сурагчийн өгөгдөл дээр хүчин зүйл тайлбарлах шинжилгээ хийхэд 3 хүчин зүйл илэрсэн бөгөөд дахин хүчин зүйл батлах шинжилгээ хийхэд 3 хүчин зүйлийн загварт тохирох утгуудыг харуулсан.
Хандалтын Статистик
